BAKI, 10 iyul — Sputnik. Türkiyə Hərbi Hava Qüvvələri (HHQ) İraqın şimalında əməliyyat keçirib. Sputnik Azərbaycan "Anadolu" agentliyinə istinadən xəbər verir ki, bu barədə Türkiyənin Müdafiə Nazirliyi məlumat yayıb.
Nazirlik qeyd edib ki, "Pəncə Hərəkatı" ilə koordinasiyalı şəkildə aparılan əməliyyat İraqın şimalında Haftani bölgəsində keçirilib.
Aviazərbələr nəticəsində 15 terrorçu və PKK-nın istifadə etdiyi silah-sursat, sığınacaq və mağaralar məhv edilib.
Xatırladaq ki, iyulun 8-də Türkiyə Hərbi Hava Qüvvələri (HHQ) İraqın şimalında əməliyyat keçirib. Türkiyəyə məxsus hərbi təyyarələr İraqın şimalına – Zap və Qara bölgələrinə aviazərbələr endiriblər. Aviazərbələr nəticəsində 4 terrorçu zərərsizləşdirilib.
