BAKI, 9 iyul — Sputnik. Əvvəlki illərdə istehsal olunmuş "Tesla" avtomobillərinin hamısı "tam avtomatik idarəetmə" funksiyası ilə təchiz olunacaq. Bu barədə şirkətin təsisçisi İlon Mask Twitter hesabında yazıb.
Avtomobillərin "beyin"lərinin yenilənməsi, çox güman ki, 2019-cu ilin 4-cü rübündə başlayacaq. Təxminən yarım milyon maşın modernləşdiriləcək.
Over 528,000 Tesla vehicles with Autopilot HW2+ delivered to-date. The possibilities for Autopilot at such a large scale are exciting, esp for driver safety. Good luck to @elonmusk and @Tesla team in tackling this important engineering challenge. Details: https://t.co/k1M2L74cZP pic.twitter.com/WhI1G4i6O6
— Lex Fridman (@lexfridman) 7 июля 2019 г.
Kampaniya çərçivəsində köhnə modullu HW2+ çiplərinin əvəzinə FSD (full self-driving — "tam avtonom idarəetmə") quraşdırılacaq. Mask deyib ki, yeni prosessor artıq üç aya yaxındır ki, şirkətin bütün yeni maşınlarına quraşdırılır.
Köhnə avtomobillərin yenilənməsi Full Self-Driving opsion paketi üçün 6 min dollar ödəmiş şəxslər üçün pulsuz olacaq.
Mask hesab edir ki, tam avtonom maşınlar taksi qismində istifadə oluna bilər. Şirkət bu qənaətdədir ki, bu cür taksilərin bütün istismarı müddətində 300 min dollar gəlir əldə etmək mümkündür.
"Tesla" şirkəti bəyan edib ki, icarəyə götürülmüş Model 3-ləri alaraq icarə müddəti bitdikdən sonra robot-taksi kimi istifadə etmək niyyətindədir.
