BAKI, 9 iyul — Sputnik. Azərbaycanın məşhur müğənnisi Dilarə Kazımovanın yeni mahnısı işıqüzü görüb. Sputnik Azərbaycan xəbər verir ki, müğənni bu haqda öz Insagram hesabında paylaşım edib.
Посмотреть эту публикацию в Instagram
"Nəyahət! Yeni mahnımı Sizinlə bölüşmək istəyirəm. Musiqisi mənə və İslam Şirvaniyə, sözləri Prometeyə məxsus "Harem" mahnım artıq ixtiyarınızdadır. Hər zaman çalışmışam ki, keyfiyyətli işlə qarşınızda olum. Mənə daima qucaq açdığınız üçün hər birinizə minnətdaram," - o bildirib.
Qeyd edək ki, Dilarə Kazımova 1984-cü ildə Bakıda anadan olub. Latviyanın Yurmala şəhərində keçirilən "Yeni Dalğa 2010" müsabiqəsinin laureatı olub. 2014-cü ildə Avroviziya Mahnı Müsabiqəsində Azərbaycanı Danimarkanın paytaxtı Kopenhagendə təmsil edib. Caz və rok üslubunda oxuyan vokalçı həmçinin aktrisa kimi də bir neçə filmdə özünü sınayıb.
