BAKI, 9 iyul — Sputnik. AQTA qida zəhərlənməsindən ölənlərin sayını açıqlayıb.
Sputnik Azərbaycan-ın xəbərinə görə, Azərbaycan Qida Təhlükəsizliyi Agentliyinin sədri Qoşqar Təhməzli AQTA-nın 1 illik fəaliyyətinin yekunlarına həsr olunmuş mətbuat konfransında deyib ki, agentliyin əməkdaşları tərəfindən aparılan araşdırmalar nəticəsində 167 qida zəhərlənməsi faktı öz kliniki təsdiqini tapıb, 403 nəfərin qida zəhərlənməsinə məruz qalması təsdiq olunub. Zərərçəkənlərdən 2-si vəfat edib.
Q.Təhməzli bildirib ki, Qida Təhlükəsizliyi İnstitutunun bazasında 21 laboratoriya yaradılıb. O, qeyd edib ki, ümumilikdə sahibkarlıq sahələrində 579 yoxlama işi aparılıb, 390 iş üzrə inzibati tənbehvermə haqqında qərarlardan 5-i şərti cərimə, 22-i xəbərdarlıq, 363-ü isə inzibati qaydada cərimə edilməsi barədə qəbul olunmuş və 9850 AZN-i şərti cərimə olmaqla, ümumilikdə 280100 AZN cərimə tətbiq olunub.
