BAKI, 8 iyul — Sputnik. Birləşmiş Ştatlar PKK terror təşkilatının Suriya qolu YPG-yə 200 "TIR" yeni silah göndərib. Bu barədə Sputnik Azərbaycan Türkiyənin "Yeni Akit" nəşrinə istinadən xəbər verir.
Nəşr yazır ki, Suriyadan geri çəkiləcəyini və PKK-nı terror təşkilatı olaraq qəbul etdiyini bildirməsindən sonra YPG-yə yeni bir yardım konvoyunu göndərməsi ABŞ-ın ikiüzlü planlarını təkrarən bütün dünyaya göstərib.
"Yeni Akit" yazır ki, ABŞ prezidenti Donald Tramp ABŞ əsgərlərinin Suriyadan geri çəkilməsi ilə bağlı qərarından sonra 22 min "TIR" və 5 min təyyarə dolu, yəni 60 min nəfərlik orduya kifayət edəcək silah və sursatla bağlı Türkiyəyə heç bir zəmanət verməyib.
