BAKI, 2 iyul — Sputnik. Bu gün axşam saatlarında Şəkinin Kiş kənd sakini, 2012-ci il təvəllüdlü Səid Şamxal oğlu Kərimov it dişləməsi xəsarətilə rayon Mərkəzi Xəstəxanasına daxil olub.
Sputnik Azərbaycan APA-ya istinadən bildirir ki, S.Kərimov yaşadığı evin yaxınlığında küçə ilə gedərkən sahibsiz itin hücumuna məruz qalıb. İt S.Kərimovun başın sol təpə nahiyəsini, sol yanağını və sağ gözün üst qapağını dişləyərək xəsarət yetirib.
S.Kərimova lazımi tibbi yardım göstərilib, quduzluq əleyhinə peyvənd vurulub.
