BAKI, 28 iyun — Sputnik. ABŞ-ın Türkiyədəki yeni səfiri təyin olunub. Sputnik Azərbaycan Türkiyə KİV-ə istinadən xəbər verir ki, Devid M.Satterfild Ankaradakı yeni səfir olub.
Diplomat kimi o daha əvvəl Yaxın Şərqdə, həmçinin Fars körfəzi ölkələrində, Livan və İraqda işləyib.
2013-2014-cü illərdə Satterfild ABŞ-ın Misirdəki səfirliyində müşavir vəzifəsində işləyib.
ABŞ-ın Türkiyədəki səfiri postu 2017-ci ildən bu yana boş idi. Sonuncu ABŞ səfiri Con Bas 2014-2017-ci illərdə bu vəzifəni icra edib.
