BAKI, 27 iyun — Sputnik. Rusiya rəhbərliyi gələn ilin yanvarın 1-dən Ermənistana satılan qazın qiymətini daha 10% artırmaq niyyətindədir. Sputnik Azərbaycan xəbər verir ki, bu barədə "Jamanak" nəşri məlumat yayıb.
"Əgər bu ilin yanvarın 1-dən artan qiymətlər respublika rəhbərliyi adından "Qazprom Armeniya"ya yüklənmişdisə, bu dəfə qiymət artımı birbaşa istehlakçılara təsir edəcək. Ermənistan rəhbərliyi təbii ki, məsələ ilə bağlı Rusiya tərəfi ilə danışıqlar aparır. Lakin çətin ki, danışıqların nəticəsi ötənilki danışıqların nəticələrindən fərqlənəcək" - deyə nəşr yazır.
