BAKI, 26 iyun — Sputnik. "Sanksiyaların götürülməsi üçün Minsk danışıqlarının reallaşdırılmasında proqres yoxdur".
Sputnik Azərbaycan "RİA-Novosti"yə istinadən bildirir ki, bunu Bundestaqın hökumət saatında çıxış edərkən Almaniya Kansleri Angela Merkel deyib.
"Situasiya belədir ki, sanksiyaların götürülməsi üçün nə sülh, nə də proqres var, ona görə də onların uzadılmasını düzgün sayıram", - deyə Merkel bildirib və əlavə edib ki, Berlin sanksiyaları "Minsk danışıqları reallaşdırılmayanadək düzgün və doğru" hesab edəcək.
Rusiya ilə qərb ölkələrinin münasibətləri Ukrayna ilə Krım məsələsindən sonra korlanıb. Qərb Rusiyaya qarşı sanksiyalar tətbiq edib, Moskva da əks-tədbirlər görərək onunla cərimə dilində danışmağın məhsuldar olmayacağını dəfələrlə bəyan edib. Rusiya həmçinin bildirib ki, Ukraynada konflikt tərəfi və Minsk razılaşmalarının subyekti deyil.
