Kamal Almuradlı, Sputnik Azərbaycan
BAKI, 22 iyun — Sputnik. Azərbaycanda stilist və müğənni arasında daha bir əməkdaşlığa imza atılıb.
Sputnik Azərbaycan xəbər verir ki, saçlarını uzadaraq boyadan müğənni Elnarə Xəlilovanın görünüşü sosial şəbəkə izləyiciləri tərəfindən təəccüblə qarşılanıb. Onun imici üzərində stilist Anar Ağakişiyev çalışıb.
Посмотреть эту публикацию в Instagram
Yeni görünüşdə videosu yayımlanan ifaçı ciddi müzakirələrə səbəb olub. İzləyicilərin əksəriyyəti onun bu halını bəyənməyib. Müğənni özü isə şəxsi Instagram səhifəsində paylaşım edərək "Məni 20 yaş cavanlaşdıran komandaya eşq olsun" yazıb.
Qeyd edək ki, stilist Anar Ağakişiyev indiyə qədər Flora Kərimova, Gülyanaq Məmmədova, Nüşabə Ələsgərli, aktrisa Həmidə Ömərova, Nahidə Orucova və digər ünlü isimlərin makiyajını edib. Həmçinin o, Nikol Şerzinger, İrina Şayk, Alsu kimi ulduzların stilisti olub.
