Zülfiyyə Quluyeva, Sputnik Azərbaycan
BAKI, 19 iyun — Sputnik. Bakıda həyətyanı sahəsi böyük olan məktəbəqədər təhsil müəssisələrində əlavə 2-4 qrupluq (60-80 uşaq yerlik) korpuslar inşa olunacaq. Bu barədə Sputnik Azərbaycan-a özəl açıqlamasında Bakı Şəhər İcra Hakimiyyətinin (BŞİH) mətbuat katibi İsrafil Kərimov məlumat verib.
İ. Kərimov bildirib ki, hazırda "Qobu Park" yaşayış massivində 12 qrup 220 uşaq yeri olan, Yasamal rayonu Mənzil-İnşaat Agentliyi tərəfindən inşa edilmiş 12 qrup 220 uşaq yeri olan məktəbəqədər təhsil müəssisələrinin Bakı Şəhər İcra Hakimiyyətinin balansına verilməsi haqqında sənədləşmə işləri aparılır. Qurumun sözçüsü bildirib ki, BŞİH-nin tabeliyində 346 məktəbəqədər təhsil müəssisəsi fəaliyyət göstərir. Orada 2152 qrupda 4634 uşaq təlim-tərbiyə alır.
