“Azərbaycan-Rusiya arasındakı əməkdaşlıq Cənubi Qafqaz ölkələri arasında ən yüksək səviyyədədir”. Bunu Sputnik Azərbaycan Beynəlxalq Mutimedia Mətbuat Mərkəzində keçirilən “Cənubi Qafqaz” politoloqlar klubunun 61-ci iclasında politoloq Məhəmməd Əsədullazadə deyib.
Politoloq bildirib ki, iki ölkə arasında elə də ciddi problem yoxdur: “Rusiya və Qərb dövlətlərinin maraqları bu regionda toqquşur. Bu da Azərbaycanı regionun açar ölkəsi edir. Rusiyanın əsas strategiyası Azərbaycanı öz orbitinə almaqdır. Təbii ki, Azərbaycana qarşı davam edən mövcud işğal faktoru ölkəmizin balanslaşdırılmış siyasət aparmasını zəruri edir. Bununla belə, iki ölkə arasındakı münasibətlər daha yüksək inkişafa nail ola bilər”.
Politoloqun geniş şərhinə audiofaylda qulaq asa bilərsiniz
