BAKI, 6 iyun — Sputnik. Roma Papası Fransisk iyulun əvvəlində Rusiya Prezidenti Vladimir Putini Vatikanda qəbul edəcək.
Sputnik Azərbaycan Rusiya mətbuatına istinadla xəbər verir ki, bu barədə “Müqəddəs Taxt”-ın mətbuat sözçüsü Alessandro Cizotti məlumat verib.
“Təsdiq edə bilərəm ki, Papa Fransisk Rusiya prezidenti Vladimir Putini iyulun 4-də qəbul edəcək” – deyə o bildiirb.
Bundan əvvəl, Argentina mətbuatı Vatikandakı mənbələrə istinadən Papa və Rusiya prezidentinin görüşəcəyi barədə məlumat vermişdi.
Xatırladaq ki, mayın əvvəlində Roma papası Rusiyaya gəlmək arzusunu dilə gətirmişdi.
