BAKI, 4 iyun — Sputnik. İyunun 3-də “Bakı Fond Birjası” (BFB) QSC-nin səhmdarlarının ənənəvi illik yığıncağı keçirilib.
Sputnik Azərbaycan-ın BFB-yə istinadən xəbərinə görə, yığıncaqda qurumun 2018-ci il üzrə maliyyə nəticələri təsdiqlənib, müddəti bitdiyi üçün Audit Komitəsi yenidən formalaşdırılıb, eləcədə gündəliyə uyğun olaraq 2019-cu ilin büdcəsi təsdiq edilib.
Bundan başqa, Birjanın İdarə Heyətinin (İH) sədri Vüqar Namazov digər işə keçməsi ilə əlaqədar vəzifəsindən azad olunub. Onun vəzifəsinin icrası müvəqqəti olaraq Əməliyyat və İnformasiya Texnologiyaları üzrə direktor, İH-nin Eldar Abdullayevə həvalə edilib.
