CƏMİYYƏT
Cəmiyyətin həyatında baş verən aktual hadisələr

Azərbaycanda insanları narahat edən məsələ ilə bağlı açıqlama gəldi

© Sputnik / Irade JELILKəpənək
Kəpənək - Sputnik Azərbaycan
Abunə olmaq
Bu həşəratlar kənd təsərrüfatında bioloji mübarizə vasitələrindən hesab olunur

BAKI, 31 may — Sputnik. Son günlərdə ölkənin Quba-Xaçmaz, Şəki-Zaqatala bölgələrində, həmçinin Bakıda və Abşeron yarımadasında yayılmış kəpənəklərin heç bir zərəri yoxdur, əksinə kənd təsərrüfatı üçün faydalı hesab olunur.

© Sputnik / Irade JELILŞeytanqanqalı kəpənəyi maşının şüşəsində
Azərbaycanda insanları narahat edən məsələ ilə bağlı açıqlama gəldi - Sputnik Azərbaycan
Şeytanqanqalı kəpənəyi maşının şüşəsində

Bu barədə Sputnik Azərbaycan-a Kənd Təsərrüfatı Nazirliyi yanında Aqrar Xidmətlər Agentliyindən məlumat verilib.

Şeytanqanqalı kəpənəyi adlandırılan və elmi adı “Vanessa cardui” olan bu kəpənəklərin bolluğu biomüxtəlifliyin zənginliyi, çiçəkli bitkilərin tozlanması, quşlar üçün isə yem ehtiyatıdır. Faydalı fitofaq olmaqla, əkin sahələri üçün təhlükəli alaq otu hesab edilən qanqalın başlıca növlərinə qarşı bioloji mübarizə vasitəsidir.

Şeytanqanqalı kəpənəyi alaq oltlarında - qanqal, gicitkən, dəvətikanı, türpəng kimi bitkilərdə tırtıl qoyaraq çoxalır və həmin bitkilərlə qidalanır. Aprel-may aylarında ölkədə aparılmış monitorinqlər nəticəsində bu il taxıl və digər əkin sahələrində şeytanqanqalı kəpənəyi tırtılı yayılmış həmin alaq otlarının zəif inkişaf etdiyi müşahidə edilib.

© Sputnik / Irade JELILŞeytanqanqalı kəpənəyinin tırtılı
Azərbaycanda insanları narahat edən məsələ ilə bağlı açıqlama gəldi - Sputnik Azərbaycan
Şeytanqanqalı kəpənəyinin tırtılı

Şeytanqanqalı kəpənəyi ən çox Yaponiyada geniş yayılıb. Bəzi illərdə Rusiyada, Ukraynada, Belarusda, Moldovada, Qafqazda və Qazaxıstanda çox təsadüf edilir. Türkiyənin bütün bölgələrində rast gəlinir. Kütləvi çoxaldığı illərdə birinci nəslin kəpənəklərinin aktiv miqrasiya etmək xüsusiyyətləri var. Kəpənəklərin may ayından oktyabr ayına qədər uçuşları müşahidə edilir. Yaz fəslində kəpənəklərin uçuşu cənubdan şimala, payızda isə şimaldan cənuba doğru istiqamətlənir. Azərbaycanda yayılma səbəbi də məhz bu miqrasiya yolunun üzərində olmasıdır.

Xəbər lenti
0