BAKI, 23 may — Sputnik. İranda 6 nəfər saxta içkidən zəhərlənərək dünyasını dəyişib, 37 nəfər isə zəhərlənmə diaqnozu ilə xəstəxanaya yerləşdirilib.
Sputnik Azərbaycan-ın xarici mətbuata istinadən xəbərinə görə, xəstələrdən bəzilərinin vəziyyəti ağır olaraq qalır.
Qeyd edək ki, İranda alkaqollu içkilərin satışı və qəbulu qadağan olunub. Qaçaqmalçılıq yolu ilə bu ölkəyə müxtəlif alkaqollu içkilər gətirilir.
Alkoqollu içki istehsalı, satışı və alışı aşkarlandıqda isə, həmin şəxslər həbs olunur, yaxud da şallaqlanırlar.
