“Ukraynaya kimin rəhbərlik etməsindən asılı olmayaraq, Ukrayna-Azərbaycan münasibətləri daim inkişaf edir”. Bunu Sputnik Azərbaycan-a açıqlamasında politoloq Fikrət Sadıxov deyib.
Politoloq bildirib ki, iki ölkə münasibətləri yeni prezidentin hakimiyyəti dövründə də əvvəlki formatını qoruyub saxlayacaq:
“İnauqurasiya çıxışında Vladimir Zelenskinin verdiyi vədlər Ukraynanın daxili işidir. Biz Ukraynanın ərazi bütövlüyünü tanıyırıq, öz növbəsində Ukrayna da eyni bəyanatlarla Azərbaycana dəstəyini ifadə edib. Zelenskinin hakimiyyəti dövründə Ukrayna-Azərbaycan münasibətləri yeni istiqamətlərdə inkişaf edəcək”.
Qeyd edək ki, ötən gün Ukraynanın yeni Prezidenti Vladimir Zelenskinin inauqurasiya mərasimi keçirilib.
Politoloqun geniş şərhinə audiofaylda qulaq asa bilərsiniz
