İlham Mustafa, Sputnik Azərbaycan
BAKI, 21 may – Sputnik. Şərq Tərəfdaşlığı proqramının 10 illik yubileyi münasibətilə Mingəçevirdə “Avropa günləri”nin növbəti mərhələsi keçirilir.
Sputnik Azərbaycan-ın bölgə müxbirinin məlumatına görə, tədbirlə əlaqədar Avropa İttifaqının Azərbaycan nümayəndəliyinin rəhbərliyi və əməkdaşları, eləcə də İttifaqa üzv olan dövlətlərin Azərbaycandakı diplomatik korpusunun nümayəndələri, media nümayəndələri Mingəçevirə səfər ediblər.
Qonaqlar Mingəçevir Şəhər İcra Hakimiyyətinin başçısı İlham İsmayılov tərəfindən qəbul edilib
Daha sonra Mingəçevirin səhiyyə müəssisələrində gerçəkləşdirilən icbari tibbi sığorta layihəsinin gedişatı ilə tanışlıq olub.
Ardınca tədbir iştirakçıları Səməd Vurğun meydanında təşkil olunan tanıtım mərasiminə qatılıblar. Tədbir “Avropa günləri” “Meridian” rok qrupu tərəfindən nümayiş olunan konsert proqramı ilə davam etdirilib.
Mingəçevirdə keçirilən "Avropa günləri" sabah başa çatacaq.
