Şahpəri Abbasova, Sputnik Azərbaycan
BAKI, 11 may— Sputnik. Ötən gecədən başlayaraq şimal-qərb bölgəsinə aramsız yağan leysan xarakterli yağış Zaqatalada bir sıra fəsadlar törədib.
Sputnik Azərbaycan-ın bölgə müxbirinin məlumatına görə, güclü yağış nəticəsində bəzi çaylarda suyun səviyyəsi artıb. Nəticədə rayonun Qazangül qəsəbəsində körpünün və Danaçı-Moqov-Aşağı Çardaqlar avtomobil yolunun bir hissəsini sel suları yuyub. Rayonun Höytala və Vöhtala kəndində bir sıra evlərin həyətyanı sahələrinə su dolub.
Qısa müddətdə bütün kommunal xidmətlərin fəaliyyəti tam bərpa edilib. Selin yaratdığı fəsadların aradan qaldırılması üçün də tədbirlərə başlanılıb.
