BAKI, 1 may — Sputnik. "AzTv"nin tanınmış diktoru Natəvan Hacıyeva dünyasını dəyişib. Sputnik Azərbaycan-ın xəbərinə görə, bu barədə diktorun yaxınları "Facebook"da məlumat yayıb.
Qeyd edək ki, 1942-ci ildə Bakıda ziyalı ailəsində dünyaya göz açmış Natəvan Hacıyeva orta məktəbi bitirdikdən sonra o vaxtkı M.F.Axundov adına Azərbaycan Pedaqoji Rus Dili və Ədəbiyyatı İnstitutuna daxil olub. Ali məktəbdə oxuduğu illərdə müsabiqə yolu ilə Azərbaycan Televiziyasına diktor kimi işə qəbul edilib. Natəvan Hacıyevanı tamaşaçılara sevdirən aydın diksiyası, şirin danışığı, gülərüzlüyü və qəlbə yatan məlahətli səsi olub.
O, ömrünün 56 ilini milli televiziyamıza həsr edib. Allah rəhmət eləsin...
