BAKI, 30 aprel — Sputnik. İtaliya polisi 35 yaşlı Gürcüstan vətəndaşını saqqız oğurladığına görə həbs edib. Sputnik Gürcüstan xəbər verir ki, o, Bari şəhərində mağazaların birindən, ümumilikdə 40 avroluq saqqız oğurlayıb.
Polis saqqız oğurlamaqda şübhəli hesab edilən şəxsi avtomobil dayanacağında saxlayıb. Onun üzəri axtarılarkən şübhəli polisə müqavimət göstərib. Kişi polisi şprislə təhdid etməyə başlayıb. Ancaq polis onu zərərsizləşdirməyi bacarıb.
