BAKI, 28 aprel - Sputnik. Bu gün yerli vaxtla saat 18.00-da Qazaxıstanda prezidentliyə namizədlərin irəli sürülməsi üçün ayrılan vaxt bitib.
Sputnik Qazaxıstan-ın məlumatına görə, sonuncu olaraq "Xalq Demoqrafiyası" İctimai Birliyinin namizədli Jumatay Əliyev sənədlərini Mərkəzi Seçki Komissiyasına (MSK) təqdim edib.
Bununla da prezidentliyə namizədliynii irəli sürənlərin sayı 9 nəfər olub. Həmin namizədlər aşağıdakılardır:
Qasım-Jomart Tokayev (Qazaxıstanın hazırkı prezidenti) – Nur Otan Partiyası;
Daniya Yespayeva – "Ak jol" Partiyası;
Jambıl Ahmetbekov – Kommunist Xalq Partiyası;
Toleutay Rəhimbəyov – Auıl Partiyası;
Sadıbek Tugel – "Böyük Çölün Qartalları" İctimai Birliyi;
Amangəldi Taspixov – Qazaxıstan Həmkarlar İttifaqları Federasiyası;
Amirjan Kosanov – "Xalqın Taleyi" Milli Vətənpərvər Hərəkatı;
Talqat Yerqaliyev – Qazaxıstan İnşaatçıları İttifaqı;
Jumatay Əliyev - "Xalq Demoqrafiyası" İctimai Birliyi.
MSK namizədlərin qeydiyyatına 11 may saat 18.00-a qədər baxaraq qərar verməlidir.
Beləliklə, gözlənildiyinin əksinə olaraq Nursultan Nazarbayevin qızı Dariqa Nazarbayeva prezidentliyə namizədliyini verməyib.
Qeyd edək ki, Qazaxıstanın eks-prezidenti Nursultan Nazarbayev bu il martın 20-də prezident postundan istefa verib. Dövlət başçısının səlahiyyətləri Qasım-Jomart Tokayev icra edir. O, bundan əvvəl Qazaxıstan Senatının sədri olub.
Qazaxıstanda növbədənkənar prezident seçkiləri iyunun 9-da keçiriləcək.
