BAKI, 27 aprel — Sputnik. Şri-Lanka təhükəsizlik qüvvələri terror aktlarında şübhəli olaraq axtarılan şəxslərin gizləndiyi güman edilən bir evə basqın ediblər. Sputnik Azərbaycan xarici mediaya istinadən xəbər verir ki, əməliyyat nəticəsində 6-sı uşaq olmaqla 15 nəfər öldürülüb.
Şri-Lanka polis rəsmisi Ruvan Qunasekara bildirib ki, öldürülənlərin bəziləri müqəddəs Pasxa mərasimində terror törətməkdə şübhəli bilinən şəxslərdir.
Qeyd edək ki, ötən həftə Şri-Lankada Pasxa bayramında kilsə və hotellərdə 9 partlayış törədilib. Partlayışlar nəticəsində 359 nəfər həyatını itirib, 500-dən çox insan isə yaralanıb. Terror hücumlarına görə məsuliyyəti İŞİD terror qruplaşması üzərinə götürüb.
