BAKI, 26 aprel — Sputnik. Sumqayıt şəhərində yanğın hadisəsi baş verib.
Sputnik Azərbaycan-ın Fövqəladə Hallar Nazirliyinin rəsmi saytına istinadən xəbərinə görə, hadisə şəhərin Hacı Zeynalabdin qəsəbəsində baş verib. Nəticədə ümumi sahəsi 700 m² olan birmərtəbəli, taxta konstruksiyalardan ibarət evlərin (əvvəllər məcburi köçkünlərin məskunlaşdığı, hazırda yaşayış olmayan) yanar konstruksiyaları 250 m² sahədə yanıb.
Evlərin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
