BAKI, 25 aprel — Sputnik. Səhiyyə naziri Oqtay Şirəliyevin imzaladığı yeni əmrə əsasən, Nadir Mehdiyev Mərkəzi Neftçilər Xəstəxanasına yeni baş direktor təyin olunub. Sputnik Azərbayan-a bu haqda Səhiyyə Nazirliyindən məlumat verilib.
Qeyd edək ki, bunadək isə N.Mehdiyev xəstəxanada baş həkimin müavini olub.
Xatırladaq ki, ötən gün Mərkəzi Neftçilər Xəstəxanasının keçmiş baş direktoru Ülvi Mirzəyevin işindən çıxması ilə bağlı xəbər yayılıb. Onun öz ərizəsi ilə işdən ayrıldığı bildirilib.
