BAKI, 19 aprel — Sputnik. Nərimanov Rayon İcra Hakimiyyətinin (RİH) başçısı Abdin Fərzəliyevin rayon sakinləri ilə növbəti səyyar qəbulu keçirilib. RİH-dən Sputnik Azərbaycan-a verilən məlumata görə, qəbulda Azərbaycan Respublikası Prezidenti Administrasiyasının məsul əməkdaşı Tağı Tağıyev, İcra Hakimiyyətinin, bələdiyyənin, digər xidmət sahələrinin rəhbərləri, ərazi icra nümayəndələri də iştirak ediblər.
Qəbulda Nərimanov RİH-in başçısı Abdin Fərzəliyev sakinlərin onları narahat edən məsələlərlə bağlı verdikləri sualları cavablandıraraq əhalinin problemlərinin həlli, sosial rifahının yaxşılaşdırılması istiqamətində həyata keçirilən tədbirləri xüsusi vurğulayaraq, onları maraqlandıran məsələlər ətrafında müzakirələr aparıb.
Sonda icra başçısı sakinlər tərəfindən qaldırılan məsələlərin tez bir zamanda həlli ilə əlaqədar aidiyyəti qurum rəhbərlərinə müvafiq tapşırıqlar verib.
