BAKI, 10 aprel — Sputnik. İsraildə ötən gün keçirilən parlament seçkilərində səslərin 96%-i sayılıb.
Sputnik Azərbaycan "Reuters"-ə istinadən xəbər verir ki, seçkilərdə baş nazir Benyamin Netanyahunun rəhbərlik etdiyi sağ yönümlü "Likud" partiyası cüzi üstünlüklə öz əsas rəqibi müxalif "Kaxol-Lavan"-a qalib gəlib.
Məlumata əsasən Netanyahunun partiyası Knessetdə 37, onun əsas rəqibi Benni Hansın rəhbərlik etdiyi müxalifət partiyası 36 yer alacaq.
Agentlik qeyd edir ki, Netanyahunun partiyasının hakim koalisiya yaratmaq şansları olduqca yüksəkdir.
