Aprelin 8-də Türkiyə prezidenti Rəcəb Tayyib Ərdoğan Rusiyaya səfər edib. Ərdoğan Türkiyə-Rusiya Yüksək Səviyyəli Əməkdaşlıq Şurasının səkkizinci iclasında iştirak edib.
“Atlas” Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyib ki, bu səfər həm Türkiyə, həm də Rusiya üçün çox vacib səfərlərdən biri sayıla bilər:
“Türkiyə Rusiyadan S-400 zenit-raket komplekslərini almaq istədiyinə görə son günlər Qərbin təzyiqi ilə üzləşib. Vaxtilə bu cür raket komplekslərini Türkiyəyə satmadılar, indi də Rusiyadan almaq istədiyinə görə NATO və ABŞ Türkiyəni hədələyir. Türkiyə isə öz təhlükəsizliyi haqqında düşünməlidir. Türkiyə geri addım atmayacaq. Mənə elə gəlir ki, Rusiya da Türkiyə istiqamətində addımlar atmalı və onunla daha da yaxınlaşma siyasətini yürütməlidir”.
Politoloqun geniş şərhinə audiofaylda qulaq asa bilərsiniz
