BAKI, 6 aprel — Sputnik. Türkiyənin Karaman şəhərində 20 yaşlı azərbaycanlı tələbə Həmdəmin Balakişiyev 5-ci mərtəbədən yıxılıb.
Sputnik Azərbaycan Türkiyə mətbuatına istinadla xəbər verir ki, H. Balakişiyev epilepsiya xəstəliyindən əziyyət çəkirmiş.
Məlumata görə, hadisə dünən axşam 21.00 radələrində şəhərin Fenari Məhəlləsi Molla Fenari küçəsində vəqfin nəzdində olan tələbə yataqxanasında baş verib.
İddiaya görə, hadisə tələbənin epilepsiya tutması zamanı baş verib. O, hava almaq üçün açdığı pəncərədən yıxılıb. Hadisə zamanı ağır xəsarət alan Həmdəmin Balakişyev Karaman Dövlət Xəstəxanasına aparılıb. Onun vəziyyətinin ağır olduğu deyilir. H. Balakişiyev Karamanoğlu Mehmetbey Universitetinin tibb fakültəsində təhsil alırmış.
