BAKI, 27 mart — Sputnik. SSRİ-nin sabiq müdafiə naziri, 94 yaşlı Dmitri Yazov qiyabi olaraq 10 il müddətinə azadlıqdan məhrum edilib. Sputnik Litva xəbər verir ki, bu gün Litvanın Vilnüs şəhər dairə məhkəməsi, 1991-ci ilin yanvarında Vilnüsdə törədilən qətliam işi üzrə qərar qəbul edib.
Ümumilikdə iş üzrə 67 nəfər mühakimə olunub. Lakin onların böyük əksəriyyəti qiyabi olaraq mühakimə olunub. Müttəhimlər kürsüsündə hazırda iki Rusiya vətəndaşı var. Onlar 2014-cü ildə Litvada saxlanılan Yuriy Mel və hazırda Litvada yaşayan Qennadiy İvanovdur.
Xatırladaq ki, Yazov Bakıda törədilən 20 Yanvar faciəsinin təşkilatçılarından biri olub.
