BAKI, 23 mart — Sputnik. Malinin mərkəzində Bankas şəhəri yaxınlığında silahlı şəxslər fulani qəbiləsindən olan 110 çobanı qətlə yetirib. Sputnik Azərbaycan "RİA Novosti"yə istinadən xəbər verir ki, bu barədə Bankas kommunasının merinə istinadən "Reuters" məlumat yayıb.
Merin sözlərinə görə, ovçu geyimində olan naməlum silahlılar gecə vaxtı Bankas yaxınlığındakı Oqossaqu və Velinqara yaşayış məntəqələrinə hücum edərək, orada qətllər törədiblər.
Oqossaqu sakinlərindən biri hücumu 23 Mali əsgərinin öldürülməsinin qisası kimi qiymətləndirib. Həmin hərbçilər “Əl-Qaidə” terror qruplaşması ilə qarşıdurmada həlak olublar.
