BAKI, 4 mart — Sputnik. Ötən gecə Bakıdakı xəstəxanada 3 günlük körpə ölüb.
Sputnik Azərbaycan-ın Report-a istinadla xəbərinə görə, hadisə K.Fərəcova adına Elmi Tədqiqat (ET) Pediatriya İnstitutunda baş verib.
Faktı İnstitutun direktoru, Səhiyyə Nazirliyinin baş pediatrı Nəsib Quliyev təsdiqləyib.
O qeyd edib ki, Quliyev soyadlı körpə ağır diafraqma yırtığı diaqnozu ilə instituta daxil olub: "Onu əməliyyat etsək də həyatını xilas etmək mümkün olmadı. Çünki anadangəlmə ağır xəstəliklə doğulmuşdu. Ölkədə ağır vəziyyətdə doğulan körpələr bura gətirilir və onların bəzilərinin həyatını xilas etmək olmur".
