BAKI, 4 mart — Sputnik. Rusiya Prezidenti Vladimir Putin orta və qısamənzilli raketlərin ləğvinə dair sazişin (İNF müqaviləsi – İntermediate-Range Nuclear Forces Treaty) dayandırılması barədə fərman imzalayıb.
Sputnik Azərbaycan RİA Novosti-yə istinadla xəbər verir ki, bu barədə Kremlin Mətbuat xidməti məlumat yayıb.
Fərman imzalandığı gündən qüvvəyə minir.
Fərmana görə, ABŞ tərəfindən müqaviləyə dair öhdəliklərinin pozulmasını aradan qaldıranadək, yaxud müqavilənin müddəti başa çatanadək Rusiya tərəfi müqavilənin icrasını dayandırır.
Xatırladaq ki, ABŞ İNF müqaviləsindəki iştirakını fevral ayının ortasından dayandırıb.
