Dünən Sputnik Azərbaycan Multimedia Mətbuat Mərkəzində qonaq olan Korotçenko Azərbaycan-Rusiya arasında hərbi-texniki əməkdaşlığı şərh edib, Xəzər bölgəsinin təhlükəsizliyindən danışıb və Azərbaycan ordusunun döyüşə hazırlıq vəziyyətini qiymətləndirib. Onun sözlərinə görə, bu gün Azərbaycan sadəcə bölgədə deyil, bütün Avrasiya məkanında ən güclü ordulardan biridir.
Korotçenko bildirib ki, hal-hazırda tüğyan edən qəliz hərbi-siyasi şəraitdə ölkələrimizin qarşısında duran əsas vəzifələrdən biri Xəzər bölgəsində sülh və təhlükəsizliyin qorunmasıdır. Onun fikrincə, Xəzəryanı ölkələr burada təhlükəsizlik təmin etmək iqtidarına və potensialına malikdir.
