BAKI, 6 fevral — Sputnik. Hollandiyanın 2010-2014-cü illərdə millət vəkili olmuş Joram Van Klaveren İslam əleyhinə kitab hazırlayarkən müsəlmanlığı qəbul edib.
Sputnik Azərbaycan-ın Türkiyə mediasına istinadən xəbərinə görə, 39 yaşlı sabiq millət vəkili bir neçə il ərzində İslam əleyhinə araşdırmalar aparmağa başlayıb.
"Kitabı yazmağa başlayarkən əldə etdiyim nəticələr isə mənim müsəlman olmağıma səbəb oldu" – deyə Joram Van Klaveren bildirib.
Müsəlman olması münasibəti ilə Klavereni təbrik edənlər sırasında keçmiş siyasətçi, sonradan müsəlman olan Arnaud Van Dorn da olub.
Qeyd edək ki, sabiq millət vəkili İslam əleyhinə olan fikirləri ilə hər zaman gündəmə gəlirdi.
