Arzu Nağıyev: “Dağlıq Qarabağ münaqişəsi ilə bağlı müzakirələr aparılacaq”
Türkiyə Prezidenti Rəcəb Tayyib Ərdoğan Rusiya başçısı Vladimir Putinlə fevralın 14-də görüşəcəyini bəyan edib.
Politoloq Arzu Nağıyev Sputnik Azərbaycan-a deyir ki, prezidentlərin görüşündə iqtisadi, siyasi və hərbi məsələlərin həll olunması üçün müzakirələr aparıla bilər:
“Xüsusən, Suriyada davam edən proseslər fonunda tərəflərin mövqeyi önəm kəsb edir. Suriyada bir çox ölkələrin maraqları var. Ona görə də Türkiyənin bir müddət öncə hərbi əməliyyat keçirmək barədə bəyanatları ABŞ və Rusiya ilə razılaşdırılmalıdır. Yəqin ki, danışıqların əsas predmetlərindən biri də bu olacaq. Prezidentlərin görüşündə regional məsələlər, o cümlədən Dağlıq Qarabağ münaqişəsinin həlli istiqamətində müzakirələr də aparılacaq”.
