BAKI, 21 yanvar — Sputnik. Hazırda Bakıda və Abşeron yarımadasında duman müşahidə edilir. Ekologiya və Təbii Sərvətlər Nazirliyinin Milli Hidrometroloji Proqnozlar Bürosunun direktor əvəzləyicisi Gülşad Məmmədova hadisı ilə bağlı Sputnik Azərbaycan-a açıqlamasında deyib ki, dumanın tədricən zəifləyəcəyi gözlənilir.
Hazırda Bakıda müşahidə edilən duman
© Sputnik / Ibrahim Hashimov
"Bu günlə yanaşı yanvarın 22-də də mövcud hava şəraiti, yəni duman müşahidə ediləcəyi istisna olunmur" - deyə o bildirib.
"Gecə və səhər saatlaırnda hava temperaturu arasında fərqin olmaması inversiya qatının yaranmasına səbəb olub. Hazırda bununla əlaqədar olaraq paytaxtda duman müşahidə edilir" - G.Məmmədova əlavə edib.
Hazırda Bakıda müşahidə edilən duman
© Sputnik / Ibrahim Hashimov
Nazirlikdən verilən məlumatda mövcud hava şəraitinin toz qatı ilə əlaqəli olmadığı vurğulanıb.
