BAKI, 20 yanvar — Sputnik. Aralıq dənizində içində 170-dən çox miqrantın olduğu iki gəmi batıb.
Sputnik Azərbaycan RİA Novosti-yə istinadla xəbər verir ki, 53 nəfər Alboran dənizində batıb. Bir nəfəri balıqçı gəmisi xilas edib. Mərakeş və ispaniyalı xilasedicilər gəmidəki miqrantların axtarışını davam etdirirlər.
Öz növbəsində İtaliya Hərbi Dəniz Qüvvələri xəbər verir ki, Aralıq dənizində daha bir gəmi batıb. Gəmidə 117 nəfər olub. Gəmidə olanlardan ancaq 3 nəfər xilas edilib.
