BAKI, 16 yanvar — Sputnik. "Google" şirkəti reklam gəlirlərinə görə vergi ödəmədiyi üçün cərimələnib.
Sputnik Azərbaycan-ın Türkiyə mediasına istinadən xəbərinə görə, tanınmış şirkət Yaponiyadakı fəaliyyəti müddətində reklam gəlirlərini düzgün idarə etmədiyi üçün cərimələnib. Şirkət əldə etdiyi 32 milyon dollarlıq reklam gəlirlərinə görə vergi ödəmədiyi üçün 9.2 milyon dollar cərimə ödəyəcək.
"Google" bu fəaliyyətinin Sinqapura dəstək məqsədi daşıdığını deyərək cəzadan yayınmaq istəyib.
