BAKI, 15 yanvar — Sputnik. "WhatsApp" istifadəçilərin mesajını başqa şəxslərə yönləndirib.
Sputnik Azərbaycan-ın Türkiyə mediasına istinadən xəbərinə görə, xəta nəticəsində mesencer mesajların bir qismi səhv yönləndirilib. Yaranan xəta barədə xəbər isə "Amazon" şirkətinin işçisinin paylaşımı ilə gündəmə gəlib.
Abby Fuller adlı işçi iddia edir ki, telefon nömrəsini dəyişdirən şəxsin "WhatsApp" mesajları həmin nömrənin yeni sahibinə yönləndirilib. O, iddia edir ki, nömrənin yeni sahibi öncəki sahibinə aid olan mesajları rahatlıqla əldə edə bilər.
