BAKI, 14 yanvar — Sputnik. Böyük Britaniyanın baş naziri Tereza Mey bildirib ki, ölkə parlamenti onun qərarını qəbul etməzsə, bu zaman Brexit (Böyük Britaniyanın Avropa İttifaqından çıxması prosesi) reallaşmayacaq. Sputnik Azərbaycan bu barədə ingilis mediasına istinadən xəbər verir.
Tereza Mey bildirib ki, öz sazişini təsdiqlətməyə çalışacaq: "Parlament 2016-cı ilin referendum nəticələrini, Böyük Britaniyanın Avropa Birliyini tərk etməsi ilə bağlı sazişi təsdiqləməlidir".
"Lakin çoxluq bu sazişi təsdiqləməzsə, o zaman İngiltərə Avropa İttifaqının üzvi kimi fəaliyyətini davam etdirəcək. Şübhəsiz ki, bu istiqamətdə fikir ayrılıqları, narazılıqlar olacaq" – deyə Mey əlavə edib.
