BAKI, 10 yanvar — Sputnik. İndoneziyada yenidən sunami ola bilər. Rusiya XİN bu barədə xəbərdarlıq yayıb.
Sputnik Azərbaycan Rusiya mətbuatına istinadən xəbər verir ki, ən böyük təhlükə Yava adasının Banten əyalətində və Sumatra adasında yerləşən Lampunq əyalətində gözlənilir. Mütəxəssislər yerli əhaliyə Zond boğazının sahillərindən azı 500 metr uzaqda qalmağı məsləhət görür.
Xatırladaq ki, 22 dekabr 2018-ci il tarixində Zond boğazı sahillərində Anak-Krakatay vulkanının aktivləşməsi səbəbindən sunami baş verib. Nəticədə 429 nəfər ölüb, 1400 şəxs xəsarət alıb.
