BAKI, 31 dekabr – Sputnik. Hindistanda dövlətə bağlı olan "Veer Bahadur Singh Purvanchal" universitetinin prorektoru Raja Ram Yadavın dediyi sözlər ölkədə qalmaqal yaradıb.
Sputnik Azərbaycan "Haberler"ə istinadla xəbər verir ki, prorektor tələblərə təklif edib ki, aralarında mübahisə çıxsa bir-birilərini öldürsünlər: "Əgər yoldaşlarınızla dava etsəniz, mümkünsə öldürün. Biz daha sonra məsələyə baxarıq".
Prorektorun dedikləri ölkənin gündəmini zəbt edib və onu tənqid atəşinə tutublar.
Hindistan hökumətinin nümayəndəsi məsələ ilə bağlı Yadavın məsuliyyətə cəlb ediləcəyinə ümid etdiyini bildirib.
