ELM

"Övladının təhsilinə mane olan barəsində ölçü götürülməlidir" - Valideynlərə xəbərdarlıq

© AR Ministry of EducationШкольники во время олимпиады, фото из архива
Школьники во время олимпиады, фото из архива - Sputnik Azərbaycan
Abunə olmaq
DİM sədri: "Ali məktəblərə qəbulda bəzi bölgələrdə qız, bəzilərində isə oğlan abituriyentlərin azlığını müşahidə edirik"

Nigar Məhərrəm, Sputnik Azərbaycan

BAKI, 24 dekabr — Sputnik. "Azərbaycanda 11-ci sinfi bitirdikdən sonra abituriyentlərin ali məktəbə qəbul olma səviyyəsi cinslər üzrə bərabərlik təşkil edir. Biz bu faizin 50-50 olduğunu deyə bilərik".

© Sputnik / Murad OrujovМалейкя Аббасзаде
Övladının təhsilinə mane olan barəsində ölçü götürülməlidir - Valideynlərə xəbərdarlıq - Sputnik Azərbaycan
Малейкя Аббасзаде

Bunu Sputnik Azərbaycan-a açıqlamasında Dövlət İmtahan Mərkəzinin (DİM) sədri Məleykə Abbaszadə deyib. "Lakin bölgələrdən asılı olaraq, bu rəqəmlər müxtəlif cür dəyişir. Ali məktəblərə qəbulda bəzi bölgələrdə qız, bəzilərində isə oğlan abituriyentlərin azlığını müşahidə edirik" - deyə o bildirib.

M.Abbaszadənin sözlərinə görə, bu gün qızların ali məktəbə qəbulunda ən aşağı rəqəmlər məhz cənub bölgəsində qeydə alınıb. DİM sədri bildirib ki, qız və oğlan uşaqlarının 11-ci sinifdən sonra ali məktəblərə qəbulu ilə bağlı bölgələr üzrə statistik məlumatlar hazırlanır.

"Artıq "Abituriyent" jurnalının 12-ci sayı hazırlanır. Bütün statistik məlumatlar jurnalın yeni sayında çap ediləcək. Ümumiyyətlə, bu məsələ cari problem deyil" - müsahibimiz vurğulayıb.

© Photo : Social media page of Asim MollazadeAsim Mollazadə
Övladının təhsilinə mane olan barəsində ölçü götürülməlidir - Valideynlərə xəbərdarlıq - Sputnik Azərbaycan
Asim Mollazadə

Sputnik Azərbaycan-a danışan Milli Məclisin Elm və təhsil komitəsinin üzvü Asim Mollazadə övladlarının təhsilinə maneə yaradan belə valideynlərə qarşı müəyyən addımların atılmasının vacibliyindən söz açıb: "Azərbaycan Respublikasının Konstitusiyasında da icbari təhsillə bağlı müddəalar əksini tapıb. Bu səbəbdən uşaqların təhsilinə mane olan, bunun qarşısını almaq üçün maneələr yaradan valideynlərlə bağlı müvafiq araşdırmalar aparılmalıdır".

"Hansısa icmada qız və oğlanların təhsili üçün maneələr törədilirsə, bu zaman qanunvericilikdə dəyişiklik edilməlidir" – deyən millət vəkilinin sözlərinə görə, hüquq-mühafizə orqanları və müvafiq qurumlar bu istiqamətdə ciddi araşdırmalar apararaq səbəbləri müəyyənləşdirməlidir.

Xəbər lenti
0