CƏMİYYƏT
Cəmiyyətin həyatında baş verən aktual hadisələr

"ASAN xidmət"in yeni siması - Mr.ASANT

© © “ASAN xidmət”in mətbuat xidməti“ASAN xidmət”in yeni siması - Mr.ASANT
“ASAN xidmət”in yeni siması - Mr.ASANT - Sputnik Azərbaycan
Abunə olmaq
"Məqsədimiz vətəndaşlara daha yaxın olmaq, maskotumuz vasitəsilə ASAN-la emosional bağlılığı artırmaqdır"

BAKI, 19 dekabr — Sputnik. Azərbaycan Respublikasının Prezidenti İlham Əliyevin şəxsi təşəbbüsü ilə yaradılan "ASAN xidmət" dövlət xidmətləri sahəsində brendə çevrilib. Şəffaflığın artırılması, korrupsiya hallarının qarşısının alınması, xidmət sahəsində trend innovasiyaların tətbiq edilməsində "ASAN xidmət" uğurlu yol xəritəsi tərtib edib.

ASAN xidmətdə 25 milyonuncu vətəndaş müraciəti qeydə alınıb - Sputnik Azərbaycan
"ASAN xidmət"dən rekord göstərici

"ASAN xidmət"in mətbuat xidmətindən Sputnik Azərbaycan-a verilən məlumata görə, bu yol xəritəsini özündə əks etdirən qarışqa fəlsəfəsi "ASAN xidmət"in maskotu üçün obraz seçilib. Qarışqa çalışqanlıq, zəhmətkeşlik, məsuliyyət, pozitivlik və komanda işini təcəssüm etdirir.

Maskotun adı Mr.ASANT kimi seçilib. Bu ad ASAN və ANT (ingilis dilindən tərcümədə - qarışqa) sözlərinin kombinə edilməsidir. Qarışqalar heç vaxt təslim olmurlar, gələcək yönümlü planlar qurmaq, təkcə bu günü yox, sabahı düşünmək onlara xasdır.

Mr.ASANT maskotu məhz bu keyfiyyətləri özündə birləşdirən "ASAN xidmət"in yeni simasıdır. O, maarifləndirmə və məlumatlandırmada vasitəçi olacaq, vətəndaşlara köməklik edəcək, dost kimi yanlarında olacaq.

"Məqsədimiz vətəndaşlara daha yaxın olmaq, maskotumuz vasitəsilə ASAN-la emosional bağlılığı artırmaqdır" - deyə qurumdan bildirilib.

Xəbər lenti
0