BAKI, 6 dekabr - Sputnik. Bakı Beynəlxalq Avtovağzalı Kompleksinə yeni mətbuat katibi təyin edilib. Bu gündən başlayaraq qurumun mətbuat xidmətinin rəhbəri vəzifəsini Pərvin Məmmədova icra edəcək
Sputnik Azərbaycan-a bu barədə Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova məlumat verib.
O bildirib ki, P.Məmmədova bu təyinata qədər Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin ictimaiyyətlə əlaqələr şöbəsində çalışıb.
Qeyd edək ki, ötən ay Avtovağzalın mətbuat xidmətinin rəhbəri Yaşar İsakov Dövlət Təhlükəsizliyi Xidmətinin İctimai əlaqələr şöbəsinin rəis müavini təyin olunub.
