BAKI, 1 dekabr - Sputnik. Sumqayıtda əsən güclü külək ağacı məktəblinin üzərinə aşırıb.
“Report”un məlumatına görə, hadisə şəhərin Kottec adlanan yaşayış massivində qeydə alınıb.
Belə ki, şəhər sakini, 2007-ci il təvəllüdlü Aysun Məcidova təhsil aldığı 9 saylı tam orta məktəbdən evə qayıdarkən güclü külək nəticəsində üzərinə ağac aşıb. O, xəsarət alıb.
A.Məcidova Sumqayıt şəhər Təcili Tibbi Yardım Xəstəxanasına yerləşdirilib. Həkimlər onun vəziyyətini ağır kimi qiymətləndirirlər.
