BAKI, 22 noyabr — Sputnik. Ağ evdə maraqlı mətbuat konfransı keçirilib.
Sputnik Azərbaycan Rusiya mətbuatına istinadən xəbər verir ki, Şükranlıq bayramından öncə prezident Donald Tramp tərəfindən kəsməyərək əfv ediləcək hind toyuqları Ağ Evin mətbuat konfransı zalında görüntülənib. Hind toyuqları fotoqraflara poz veriblər. “Noxud” və “Yerkökü” adlı hind toyuqları daha sonra mətbuat konfransını tərk ediblər.
Hər iki quş iyun ayında yumurtadan çıxıb. “Noxud”un boyu 75 sm, çəkisi 17 kilodur, “Yerkökü”nün isə 83 sm boyu var, çəkisi isə 18.5 kiloya çatır.
