BAKI, 21 noyabr — Sputnik. Çinin Dünya Ticarət Təşkilatından (DTT) çıxarılması gündəmə gələ bilər. Sputnik Azərbaycan "Haber7"ə istinadla xəbər verir ki, Ağ Evin İqtisadi Məsləhətçilər Şurasının sədri Kevin Hassett Çinin Dünya Ticarət Təşkilatından çıxarılmasının gündəmə gələ biləcəyini açıqlayıb.
"BBC"yə açıqlama verən Hassett Çinin bir DTT üzvü kimi pis niyyətli davrandığını müdafiə edib.
O, həmçinin əlavə edib ki, ABŞ prezidenti Donald Tramp beynəlxalq ticarətdə sərt oynamaq strategiyası üzərində çalışır.
Qeyd edək ki, bir müddət əvvəl Çin Dünya Ticarət Təşkilatının üzvü olan ölkələri ABŞ əleyhinə birləşməyə çağırıb.
