BAKI, 11 noyabr — Sputnik. ABŞ lideri Donald Tramp, Fransa prezidenti Emmanuel Makronun "ABŞ, Çin və Rusiyadan qorunmaq üçün Avropa öz ordusunu inkişaf etdirməlidir" sözlərinə sərt reaksiya verib.
Sputnik Azərbaycan Türkiyə mətbuatına istinadla xəbər verir ki, Tramp bu barədə öz Twitter hesabında yazıb. O paylaşımında "Fransa prezidenti Makron, "ABŞ, ÇİN və Rusiyadan qorunmaq üçün Avropa öz ordusunu qurmalıdır" deyə bildirib. Bu çox alçaldıcıdır. Bəlkə Avropa öncə ABŞ-ın böyük bir formada dəstək verdiyi NATO-ya olan borcunu ödəsin" deyə qeyd edib.
Xatırladaq ki, Fransa prezidenti Makron bu həftə Parisdə verdiyi açıqlamada Rusiya təhlükəsinə diqqət çəkərək, ABŞ-dan asılı olmayan, müstəqil Avropa Birliyi ordusu qurmadıqca avropalıların təhlükəsizlikdə olmayacağını demişdi.
